課程内容/Class Description

呢個係專門為有經驗嘅同學而設嘅高階朱古力進修班，重點係教大家掌握專業嘅噴槍上色工藝，同埋點樣製作出層次豐富嘅複合內餡，將你嘅朱古力技術提升到大賽級別。 喺技術層面，課程會深入拆解可可色油嘅噴模技巧，由開色粉嘅比例到噴色嘅先後次序都會一一教授，確保顏色飽滿唔透底。老師仲會講解點樣揀噴槍、口徑同埋壓縮機（Compressor）等專業器材，並等大家喺堂上親手操作練習。同時，你會學到點樣處理模具，做出好似鏡面咁閃令令嘅朱古力外殼。 除咗賣相，內涵一樣咁強。你會學到老師喺世界朱古力大賽入面嘅得獎作品——「檸檬伯爵茶」食譜，親手製作技術難度高嘅雙層內餡 Chocolate Bonbon。由調溫、煮餡到最後封底，到時你可以喺十幾隻色入面揀 2-3 隻心水顏色，親自設計同製作出屬於你嘅大賽級作品。 -------- 課程時間：3.5小時 *注意：教室於上課15-20分鐘前開放。 課程內容： •⁠ ⁠準備模具注意事項 •⁠ ⁠教授上色技巧，有超過十款顏色 •⁠ ⁠教授使用噴槍上色以及調色技巧 •⁠ ⁠教授朱古力調溫 •⁠ ⁠教授倒模技巧 •⁠ ⁠調配雙層檸檬伯爵茶餡料（ICA得獎食譜） •⁠ ⁠教授封底技巧及要點 •⁠ ⁠脫模技巧 成品：每位學員可帶走21-24粒手工朱古力。（視乎學員選擇之模具而定） ---------- 課程費用：$1380/位；二人成班。 （*報名學員須曾經參加任何由本教室舉辦之倒模朱古力班/課程，我們會在接到閣下報名後核實。） 包班人數下限：6位 本課程不設【二人同行】及【一人雙份】