課程内容/Class Description

【農曆新年必備｜2026年賀年手工曲奇班】 一年之計在於春，農曆新年到來就係一年之中最重要既節日，Les Petits Fours為左各位能夠迎接一個美好既新年，已經準備左全新【2026年賀年手工曲奇班】俾各位同學仔喇～ 今次課程一如以往，會同各位做4款唔同既曲奇，新一年一定大紅大紫，多姿多彩。 ---------- 課程時間：3小時 *注意：教室於上課15-20分鐘前開放。 【Pertikus唧花曲奇】 - 歐洲聖誕節烘焙傳統，以榛子為主調，配合香濃牛油配方，唧出半圓/新月形狀，再加上黑朱古力，具有甜美堅果香氣繞樑不去。 【伯爵茶夾心酥餅】 - 女士非常喜歡既伯爵茶優雅風味，具有佛手柑清香，揉合法式濃郁牛油 Galette，加上波浪花花邊既造型，仲有伯爵茶Ganache夾心提升濕潤程度， 濃香程度倍升，欲罷不能。 【朱古力海鹽咖啡豆曲奇】- 可愛咖啡豆外型，實際上係混合左法國可可粉以及濃香咖啡既風味配搭，食譜簡單能夠大量製作，味道重係大家都非常喜歡既組合！ 【士多啤梨夏威夷果仁雪球】- 雪球曲奇特點係鬆脆而且造型圓碌碌好得意，今次教室採用新食譜，令脆度提升到另一個層次，加上士多啤梨天然紅色同夏威夷果仁牛油香味，增添喜氣洋洋既氣氛。 成品：每人可帶走共約72件曲奇；連包裝。（成品可存放約2-3星期） ---------- 課程費用：$950/位；二人成班。 包班人數下限：6位 此課程不設【二人同行】及【一人雙份】。