top of page

茶香雪糕專修配小葉紅茶瑪德蓮蛋糕班

【斯里蘭卡紅茶雪糕】、【中國烏龍茶雪糕】及【杉林溪小葉紅茶瑪德蓮蛋糕】


課程内容/Class Description

Les Petits Fours 全新雪糕課程,今次實行有雪糕機又得,無雪糕機又得,Whitney老師將會叫大家用兩種不同方法係屋企製作手工雪糕,總有一種適合你既方法;選料方面我地採用經典既斯里蘭卡紅茶以及中國烏龍茶,從兩個不同既茶類面向切入,讓大家感受不同風格既茶香。 除雪糕外,課程仲會使用來自台灣杉林溪既【一茶酒選】高山小葉紅茶,製作經典法式甜點Madeleine(瑪德蓮蛋糕),呈現果香茶香滿滿既風味。 ---------- 是次課程採用日本製造 Nakazawa Loire 急凍支裝蛋黃。係呢個食品安全可以話同我地既生活息息相關既年代,雪糕呢一類容易受原材料同環境污染既甜品就更加需要小心處理。Nakazawa Loire 急凍蛋黃經過消毒然後急凍,唔需要自己分蛋,亦唔需要怕用唔曬一隻蛋,整甜品既時候只需要稱需要既份量就可以啦~ ---------- 【斯里蘭卡紅茶雪糕】:真正地道香港人不會陌生既風味 - 斯里蘭卡紅茶。走過大街小巷都會見到既經典飲品,例如奶茶/檸檬茶等都係用斯里蘭卡紅茶所泡製,是次課程採用經典香港紅茶風味,配合全手工做法製作雪糕,即時係屋企無雪糕機都能夠輕鬆做出茶味豐腴既雪糕。 【中國烏龍茶雪糕】:烏龍茶於茶文化當中具有獨特地位,醇厚甘潤,而有焙火既感覺;配合老師教授使用家用雪糕機既方法,做出甜美而茶味圓滑既手工雪糕。 【杉林溪小葉紅茶瑪德蓮蛋糕】:品嚐雪糕之餘,亦不少得利用來自台灣杉林溪小葉紅茶研磨而成既茶粉及碎粒,融入西洋小甜點,讓法式點心每一口都能呈現小葉紅撲鼻既莓果香氣。  ————— 課程時間:2.5小時 *注意:教室於上課15-20分鐘前開放。 課程內容: 【斯里蘭卡紅茶雪糕】(實作) - 材料挑選要點 - 手工式雪糕製作方法 - 實作烹調雪糕漿 【中國烏龍茶雪糕】(示範) - 家用雪糕機使用要點 - 材料挑選要點 - 示範雪糕烹調及溫度控制 - 示範使用雪糕機 【杉林溪紅茶瑪德蓮】(實作) - 介紹杉林溪小葉紅茶 - 紅茶研磨及處理方法 - 瑪德蓮麵團介紹及製作 成品:每位學員可帶走 【斯里蘭卡紅茶雪糕】 6杯、【中國烏龍茶雪糕】(課堂期間試食),以及【杉林溪小葉紅茶瑪德蓮蛋糕】9件。 ---------- 包班人數下限:6位 【二人同行】追加導師費:HK$380/位 【一人雙份】追加材料費:HK$700/位。 ***注意雪糕班特別安排:課堂一律不接受調班,同時不設任何退款機制。


課程日期/Date


WhatsApp/電郵查詢

  • + 852 9313 7710

    info@les-petits-fours.com


bottom of page