課程内容/Class Description

雜錦朱古力班上架！朱古力愛好者必備朱古力小食全盒，一次過有4款口味，除左曲奇之外，另一班大家不能夠錯過既課程：- 【焦糖朱古力碧根果仁】碧根果仁又叫做長壽果，因為果仁含有豐富的蛋白質、胺基酸、維生素有很高的營養價值，並有補腦強身降低血脂之功效，用黎做過年零食就啱曬，有個意頭得黎又香脆好味，配合法國黑朱古力以及焦糖包覆，真係無法抗拒。 【焦糖朱古力杏仁】杏仁作為其中一種最受歡迎既果仁，可謂賀年期間必不可少既零食；全人手焦糖包覆，配合67%黑朱古力外層，香濃可可風味融入堅果，一粒接一粒，讓人欲罷不能。 【朱古力柚子檸檬脆餅】採用日本高知縣柚子皮以及新鮮檸檬，塑造全新口味法式餅乾，有別於一般餅乾單一牛油香，增添左一層清新風味；配合法國百年品牌Weiss Chocolate出品既黑朱古力製作外層coating，原來香濃同清新係可以拎到極佳平衡。 【手工朱古力Moccatine】全新手工朱古力食譜加造型，香味撲鼻咖啡ganache，配合全手工製作塑型，配合黑朱古力Dipping，演繹出難以抗拒既朱古力 x 咖啡經典配搭，香濃濃而香滑咖啡餡料配上咖啡豆既標誌性造型，令人停唔到口呀！ ---------- 課程時間：3小時 課程內容： - 【焦糖朱古力碧根果仁】: 示範朱古力調溫（大理石調溫法）；解釋朱古力調溫原理；實作煮焦糖及手工被覆。 - 【焦糖朱古力杏仁】: 示範朱古力調溫（大理石調溫法）；解釋朱古力調溫原理；實作煮焦糖及手工被覆。 - 【朱古力柚子檸檬脆餅】: 實作脆餅麵團；教授餅乾造型手法；實作朱古力dipping及裝飾； - 【手工朱古力Moccatine】: 示範朱古力調溫（大理石調溫法）；實作Ganaches製作及塑形；實作朱古力dipping及Moccatine標誌性裝飾。 成品：每人可帶走一盒成品； 包括【焦糖朱古力碧根果仁】及【焦糖朱古力杏仁】各約120克； 【朱古力柚子酥餅】24條；及 【手工朱古力Moccatine】16件。 --------- 包班人數下限：6位。 本課程不設【二人同行】及【一人雙份】。