課程内容/Class Description

瘋魔一時既「杜拜朱古力」，以中東地區、土耳其、希臘等地既「天使之髮」Kataifi 麵團絲，配合原味天然開心果醬，加上朱古力調配做成一個果仁風味濃厚朱古力Bar，一啪開就見到翠綠開心果醬爆發式湧出黎～ 為配合保存同分享需要，我地特別使用較細既模具，咁就唔洗驚一啪開就要食曬喇～ 而作為朱古力課程，同樣會教授朱古力調溫同埋基本倒模技巧。 另外，課程通常加映經典榛子朱古力脆球，除左原粒榛子係中心之外，會教各位調配榛子黑朱古力餡料，榛果風味濃厚，而且會有脆身口感；課程採用法國 Weiss 調溫黑朱古力，將經典榛果朱古力由單純零食提升到巧手之作。 ----------- 課程時間：3小時 *注意：教室於上課15-20分鐘前開放。 課程內容: 【杜拜朱古力Bar】 - 朱古力調溫 - 開心果餡料製作 - 基本朱古力倒模 - 餡料注模技巧 - 封底及脱模技巧 【經典榛子朱古脆球】 - 朱古力調溫 - 果仁食材烘焗技巧 - 香脆榛子黑朱古力餡料製作 - 外殼製作 成品：每位學員可帶走6排杜拜朱古力Bar及24粒經典榛子朱古力脆球；連指定包裝。 ----------- 單人學費：$1200/位；二人成班。 包班人數下限：6人。 此課程不捨【一人雙份】。 【二人同行】追加導師費：$480/位（二人做一份）。