課程内容/Class Description

【 全新課程｜午後貴族風味小甜點 Part IV 】 7月份全新課程將會迎接【午後貴族風味甜點班】回歸，今年度係 PART IV - 結合獨特沙棘與精選食材，打造三款創意甜品【沙棘雙層手捲糖】、【沙棘棉花糖朱古力杯】及【堅果Gianduja朱古力】。 沙棘（Sea Buckthorn）係來自歐亞寒帶 Super Food，含有豐富維他命C及多種抗氧化物；除左作為超級食物，沙棘其實係甜品製作中作用尤為突出，一般配合甜味豐富既水果（例如黑加侖子/士多啤梨/芒果），利用獨特微酸果香作出巧妙平衡，為甜品添加清新層次同立體感。沙棘係甜品應用歷史悠久，從傳統果醬到現代甜點，無論健康價值同風味呈現方面，都深受甜點師推崇。 在【沙棘雙層手捲糖】中，沙棘就由配角升格做主角！除左會成為法式糖果 Pate de Fruit既主要材料之外，仲會結合棉花糖，構造雙層結構並且注入活潑酸甜，提升風味，令糖果甜膩形象一掃而空。 【沙棘棉花糖朱古力杯】就將沙棘輕盈靈動既果味變成雲朵般軟綿口感，與朱古力形成完美和諧，加上士多啤梨同開心果碎粒加乘，令外型更為優雅，風味層次亦隨之升級。 【堅果Gianduja朱古力】採用榛子製作成為Gianduja餡料，加上其他堅果提供更多風味香氣，呈現出經典【堅果+朱古力】濃香風味，結合手工倒模技巧以及老師準備左既新技巧。絕對適合朱古力愛好者收藏既食譜，加上採用法國Weiss朱古力融合，呈現絲滑醇厚口。 課程將會俾個位同學落手做曬三樣美點，無論係糖同埋朱古力嘅部份老師都會指導住各位，咁就開心打卡得黎又學到多d新嘢。 ---------- 課程時間：3小時 *注意：教室於上課15-20分鐘前開放。 課程內容： 【沙棘雙層手捲糖】 - 製作沙棘 Pâte de Fruit - 製作沙棘棉花糖 - 捲糖技巧 - 切割技巧 - 外層裝飾 【沙棘棉花糖朱古力杯】 - 基本朱古力調溫 - 製作朱古力倒模 - 製作沙棘棉花糖 - 注餡以及裝飾技巧 【堅果Gianduja朱古力】 - 基本朱古力調溫 - 製作朱古力倒模 - Gianduja 製作 - 注餡以及裝飾技巧 成品：每位學員可帶走約40粒【沙棘雙層手捲糖】、12件【沙棘棉花糖朱古力杯】 以及12件【堅果Gianduja朱古力】。 ---------- 單人學費：$980/位；二人成班 包班人數下限：6位 【二人同行】追加導師費：HK$500/位 此課程不設【一人雙份】